Из «Памяти и похвалы Владимиру» Иакова-мниха, XI в.

ИЗ «ПАМЯТИ И ПОХВАЛЫ ВЛАДИМИРУ» ИАКОВА-МНИХА
Месяца июля в 15 день. Память и похвала князю Рускому Володимеру, како крестися Володимер и дети своя крести, и всю землю Рускую от конца и до конца, и како крестися баба Володи-мерова Олга преже Володимера. Списано Иаковом мнихом.
Паул, святый апостол, церковный учитель и светило всего мира, посылая к Тимофею писание, глаголаше: «Чядо Тимофею, еже слыша от мене многы послухы, тоже предай же верным человеком, иже доволно будет и ины научити». И блаженный апостол Лука Евангелист к Феофилу писаше, глаголя: «Понеже мнози начаша повести деяти и известных вещех бывших в нас, изволися и мне ходившю исперва и по всех писати тебе, державный Феофиле, о них же начат Исус творити же и учити». К тому же Феофилу написа деяния апостолская и евангелие святый апостол Лука. Потом многых святых писати начата житиа и мучениа. Тако же и аз, худый мних Иаков, слышав от многых о благовернем князе Володимере всея Руския земля, и сыну Свя-тославле, и мало събрав от многыя добродетели его, написах, и о сыну его, реку же святою славную мученика Бориса и Глеба, како просвети благодать Божиа сердце князю Рускому Володимеру. сыну Святославлю, внуку Игореву , и возлюбивый человеколюбивый Бог, хотяй спасти всякого человека и в разум истиный прити, и вжада святого крещения. Яко жадаеть елень на источники водныа, тако вжада благоверный князь Володимер святого крещениа, и Бог сътвори хотение его. < ...> Взиска спасениа и прия о бабе своей Олзе, како шедши к Царюгороду, и приала бяше святое крещение, и пожи добре пред Богом, всими добрыми делы украсившися и почи с миром о Христе Исусе и в блазе вере. То все слышав князь Володимер о бабе своей Олзе, нареченей в святом крещении Елена, тоя и жизни подража святыя царица Елены, блаженыа княгини Олги; то слышав князь Володимер, разгара-шется Святым Духом сердце его, хотя святого крещения. Видя же Бог хотение сердца его, провидя доброту его, и призри с небесе милостию своею и щедротами и в Троици славимый Бог Отец и Сын и Святый Дух на князя Володимера, испытая сердца и утробы, Бог праведен, вся преже ведый, и просвети сердце князю Рускыя земля Володимеру приати святое крещение.
Крести же ся сам князь Володимер, и чада своя и весь дом свой святым крещением просвети и свободи всякому душу, мужеск пол и женеск, святого ради крещения. И възрадовася и възвеселися о Бозе Давидьскы князь ясе Володимер, и аки святый пророк дивный Амбакум о Господе веселяся и радуася о Бозе Спасе своем.
О блаженое время и день добрый, исполнен всего блага в он же крестися Володимер князь! И наречен бысть в святом крещении Василей, и дар Божий осени его, благодать Святого Духа освети сердце его, и навыче по заповеди Божий ходити и жити добре о Бозе и веру тверду удержа и неподвижиму. Крести же и всю землю Рускую от конца и до конца, и поганьскыя богы, паче же и бесы, Перуна и Хъроса и ины многы попра и скруши идолы, и отверже всю безбожную лесть и церковь созда каменну во имя Пресвятыя Богородица, прибежище и спасение душам верным, и десятину ей вда, тем попы набдети, и сироты, и вдовича, и нищая. И потом всю землю Рускую и грады вся украси святыми церквами, и отвержеси всея диаволя льсти, и приде от тмы диаволя на свет с чады своими, приде к Богу, крещение приим, и всю землю Рускую исторже из уст диавол и к Богу приведе, и к свету истинному.< ...>
О блаженый и триблаженый княясе Володимере, благоверне и христолюбиве и страннолюбче! Мзда твоа многа зело пред Богом. < ...> Ты, о блаженый княясе Володимере, бысть апостол в кня-зех, всю землю Рускую приведе к Богу святым крещением и научи люди своя кланятиси Богу, славити и пети Отца и Сына и Святаго Духа. И вси люди Рускыя земля познаша Бога тобою, божественый княясе Володимере.< ...> И ты, блаженый княясе Володимеру, подобно Кстянтину великому створи. Якоже он верою великою и любовью Божию подвигся, утверди всю вселеную любовию, и верою, и святым крещением просвети весь мир, и Закон Божий по всей вселенней заповеда, и раздруши храмы идольскыя с лжеименьными богы и святые же церкви по всей вселенней постави на хвалу Бог, в Троицы славимому, Отцу и Сыну и Святому Духу, и крест обрете, всего мира спасение, с божественною богомудрою матерью своею святою Оленую и с чады многы, приведе к Богу свтым крещением бещисленое множество, и требища бесовькая потреби, и храмы идольскыя раздруши, и церквами украси всю вселеную и грады, и заповеда в церквах памяти творити пении и молитвами и празники празновати на славу и на хвалу Богу. Тако же и блаженый князь Володимер створи с бабой своей Олгой.< …˃ И празноваша светло празникы Господьскыя, три трапезы поставляше: первую митрополиту с епископы и черноризце и с попы, вторую нищим и убогым, третьюю собе и бояром своим, подобя ся царем святым блаженый князь Володимер пророку Давиду, царю Езекею, и треблаженому Иосею, и великому Костянтину. <…˃ Не дивимся, възлюблении, аще чюдес не творить по смерти. Мнозе бо святи праведние не створиша чюдес, но святи суть. Рече бо некогда о том святый Иоанн Златоусты: "От чего познаем и разумеем свята человека, от чюдес ли, или от дел?" И рече: "От дел познати, а не от чюдес", много бо и влъсви чюдес створиша бесовьскым мечтанием, и бяху святей апостоли и бяху лжи апостоли; беша святей пророци и бяху лжии пророци, слугы диаволя; ино чюдо, и сам сотона преображается в ангел светел; но от дел разумети святого. <...>
Князь же Володимер поревнова святых мужь делу и житю их, и възлюби Аврамово житие и подража страннолюбив его, Иаковлю истину, Моисееву кротость, Давидово безлобие, Костяньтна царя великого, первого царя крестианьскаго, того подражая правоверие. Более же всего бяше милостыню творя князь Володимер. < ...>
Тако же пребывающе князю Володимеру в добрых делех. Благодать Божиа просвещаша сердце его, и рука Господня помогаше ему; и побежаша вся врагы своа, и боахутся его вси. Идеше идяще, одолеваше: Радимице победи и дань на них положи, Вятичи победи и дань на них положи на обоих, и Ятвягы взя, и сребреныа Болгары победи, и на Козары шед. Победы а и дань на них положи. Умысли же и на греческый град Корсунь и сице моляшеся князь Володимер Богу: «Господи, Боже, Владыко всех, сего у Тебя прошу: даси ми град, да прииму и да приведу люди крестианы и попы на свою землю, и да научать люди закону крестианьскому». И послуша Бог молитвы его; и прия град Корсунь и вси съсуды церковныа и иконы и мощи святого священномученика Климента и иных святых. И в ты дни беаста царя два в Цариграде: Костянтин и Василей. И прося к ним Володимер, прося у них сестры оженитися, да ся бы болма на крестианьский закон направил. И дасти ему сестру свою и дары многы присласта к нему и мощи святых даста ему, и положьи .
< ...>По святом же крещении поживе блаженый князь Володимер 28 лет. На другое лето по крещении к порогам ходи, на третьее Корсунь город взя, на четвертое лето церковь камену Святыя Богородица залежи, а на пятое лето Переяславль заложи, в девятое лето десятину блаженый христолюбивый князь Володимер в да церкви Святей Богородице и от имения своего. О том бо и сам Господь рече: «Идеже есть сокровище ваше, ту и сердце ваше будеть».< ...>
И Бог поможе ему и седе в Киеве на месте отца своего Святослава и деда своего Игоря. А Святослава князя печенези убиша. А Ярополк седяше в Киеве на месте отца своего Святослава, и Олег идый с вой, у Вруча града мост ся обломи с вой, и удавиша Олга в гребли, а Ярополка убиша в Киеве мужи Володимерове.
И седе в Киеве князь Володимер в осмое лето по смерти отца своего Святослава, месяца июняв 11, в лето 6486(977/978) . Крести же ся князь Володимер в 10-е лето по убьении брата своего Ярополка. Каашется и плакашется блаженый князь Володимер всего того, елико створи в поганьстве, не зная Бога. Познав же Бога истиннаго, творца небесе и земли, покаявся всего, и от-връжеся дьявола и бесов и всея службы его, и послужи Богу добрыми делы своими и милостынею.< ...>

Комментирование закрыто, но вы можите поставить trackback со своего сайта.

Комментарии закрыты.